Hvað verður stór auglýsing í Mogganum á morgun?

Spurningaleikur: Hvað verður Nova með stóra auglýsingu í Mogganum á morgun?

Þekki það sosum að hérðasfréttablöð segi frá því í fréttum þegar ný búð opnar í plássinu.

En frétt á mbl.is um opnun á nýrri búð í Smáralind ....???

Og söluvara þessarar búðar er ekki einu sinni svo merkileg að það komi fram hvað þar fæst!

Nova opnar verslun í Smáralind

Hvað er undir torfþökunum á Patterson field?

Þessi hús minna mig á skýlin sem eru á Pattersonfield í Njarðvíkum, á vinstri hönd ef ekið er út í Hafnir. Þar voru vopna- og sprengiefnaskýli meðan herinn var hér. Skýlin eru með torfþökum og margir hafa ekki tekið eftir þeim þótt þeir keyri þarna framhjá.

Bretar voru með flugvöll þarna í síðari heimsstyrjöldinni og nafnið er síðan þá.

Ég fór nokkrum sinnum þarna um í könnunarferðum með félögum mínum í Samtökum herstöðvaandstæðinga "í den".

Hvað ætli sé núna undir torfþökunum á Patterson field?

Gerir samning við Hitachi um gagnageymslu

Skondnar fréttir fara á flakk

Ég bloggaði um þetta kl 11 í gærmorgun og síðan hefur þetta mjakast um netmiðlana, fyrst á eyjan.is, svo á dv.is og nú á mbl.is.

Rakst á þetta á síðu mömmunnar, en hafði aldrei kíkt á þá síðu áður. 

Hún var með hlekk á síðu eldri sonarins, sem skrifaði um þetta uppátæki litlabróður síns.

Svona mjakast sumar fréttir um internetið. 

 

Skagapiltur pantaði viðtal við Bush

Og sjá, við veitum þér frægð!

Af hverju birta fjölmiðlar nafn og mynd af unglingi sem gerist fjöldamorðingi?

Einu sinni var tekist á um nafn- og myndbirtingar af tillitssemi við brotamanninn og fjölskyldu hans. Sú tillitssemi náði ekki yfir útlendinga.

Nýverið hef ég heyrt bent á, af þeim sem rannsakað hafa svona glæpi, að frægð sé það sem þessir ungu skotárása fjöldamorðingjar séu að sækjast eftir. Frægð er því það sem á að svipta þá.

Lagt var til að fjölmiðlar ákvæðu, hver fyrir sig auðvitað, að hætta að birta nöfn og myndir af ódæðismönnunum.

Það þýðir ekki að ekki skuli fjallað um atburðinn sjálfan, aðeins að svipta ódæðismanninn þessarri fáránlegu frægð sem hann sóttist eftir.

Hvaða fjölmiðill vill byrja?

19 ára byssumaður vildi öðlast frægð

Endurskinsmerki uppseld

Af hverju er svona erfitt að finna endurskinsmerki?

Endurskinsmerki eru vandfundin um þessar mundir.

Endurskinsmerki Slysavarnafélagsins Landsbjargar eru uppseld og næsta sending þar mun heldur ekki berast fyrr en eftir áramót. Eftirspurn eftir þeim var mun meiri í haust en undanfarin ár.

Tryggingafélögin hafa ekki getað brugðist við beiðnum um endurskinsmerki í viðunandi magni fyrir skólana.

 

Hvað eru mörg endurskinsmerki í boði í "öllum apótekum"?

Ég veit að slysavarnadeildir um land allt hafa lent í vandræðum með að fá endurskinsmerki í nokkru magni. Við hjá Björgunarfélagi Árborgar höfum ekki getað útvegað nærri því eins mörg endurskinsmerki og við ætluðum að útbýta hér í sveitarfélaginu.

Endurskinsmerkjum þarf að dreifa í október. Reynslan sýnir að huga þarf að pöntunum á þeim í tíma og fyrr en gert er. Það er ekki ásættanlegt að vera að fá þau einhverntíma eftir að farið er að halla að vori. Vei þeirri verslun sem kemur með jólavörurnar eftir áramót! 

Nú þarf að gramsa í skúffunum og finna gömlu endurskinsmerkin. Nota þau svo!

Líka fyrir foreldra

Tíðkast að senda svona til barnaverndarnefndar?

Af hverju er mál þessa bílstjóra sent barnaverndaryfirvöldum?

Tíðkast það almennt að senda hraðakstursbrot til barnaverndaryfirvalda ef barn er með í bílnum?

Hvað þarf barn að vera ungt til að tilkynnt sé til barnaverndar? 

Hvað þarf maður að vera mikið yfir löglegum hámarkshraða?

Skiptir það máli hér að barnið var í framsæti? 

Eða skiptir það bara máli hvort ökumaður sendir fokkmerki framan í myndavélina?

Er þetta ný stefnumörkun hjá lögreglunni?

Ef svo er hvenær var hún tekin, hver tók hana og gildir hún um land allt? 

Ökufantur gaf sig fram

Hvað er kirkjan að gera?

Af hverju er það hlutverk skólanna að stunda kristinfræðikennslu? Er það ekki hlutverk kirkjunnar sjálfrar?

Ég legg til að íslenska þjóðkrikjan efli trúarbragðakennslu og noti til þess vettvang kirkjunnar. Kirkjan er bara ekki að standa sig þar. Kirkjusókn er lítil, safnaðarstarf ennþá minna og fræðsla innan kirkjunnar líkast til minnst. Lítið aðeins í eigin rann kirkjumenn.

Hins vegar finnst mér ekki rétt að kirkjan og hennar atvinnumenn séu að taka að sér trúarbragðakennslu í leikskólum eða grunnskólum.

Trúarbrögð eru stór áhrifavaldur í menningu okkar, meðvitað og ómeðvitað og trúarbrögð eru líka stór áhrifavaldur í samfélagi okkar í nútíma, persónulegum samskiptum og alþjóðlegum samskiptum. Fræðsla um trúarbrögð er því vissulega þörf, en ég sé ekki sömu þörf á að gera kristni þar hæst undir höfði.

Það þarf líka að kenna siðfærði. Kirkjan fann ekki upp siðfræði og kirkjan fann ekki upp kærleika. Hún á engan einkarétt á að boða sína útgáfu innan almennra skóla. Sjálf er ég sammála mörgu því sem fram kemur í kristinni siðfræði, en ekki öllu. Ég tel líka fulla þörf á að gagnrýna margt það sem haldið er fram í kristnum trúarritum og margt það sem kristin kirkja hefur aðhafst og líka margar af þeim áherslum sem kristnir menn eru að halda fram og margt af því sem þeir eru að aðhafast í nafni trúar sinnar eða trúarstofnana.

Það er því nær að kenna fólki, þar á meðal börnum, heimspeki og þar með færni í að setja sig inn í ólík mál, skilja afstöðu annarra og gagnrýna hana.

Að stofni til er þessi pistill minn svar inni á bloggi sr. Baldurs Kristjánssonar, þar sem hann lýsir eftir efldri trúarbragðafræðslu. Hann vill fræðslu um öll trúarbrögð og að fræðsla um Kristindóm verði um helmingur af námsefninu.

Ég held að við séum sammála um mikilvægi þess að kenna börnum siðfræði og kærleika. Ég held líka að við Baldur séum meira að segja býsna sammála í afstöðu til siðfræði og kærleika. En við erum greinilega ekki sammála um hlutverk kirkjunnar í starfi innan skólanna.

Blaðamenn óskast til ræstinga

Af hverju fáum við yfirlýsingasafn í stað heimildasafns?

Ef þessi frétt er ekki dæmi um kranablaðamennsku, þá hvað?
Fréttir, án allra fréttaskýringa, stuttar endursagnir þar sem fullyrðingum er slegið fram í fyrirsögn, burtséð frá því hvort nokkur glóra sé í að fullyrðingarnar eigi við rök að styðjast.

Dæmi af mbl.is:
Ekki líklegt að Íranar vilji koma sér upp kjarnorkuvopnum
Ísraelar vantrúaðir á að Íranar séu hættir þróun kjarnavopna
Demókratar gagnrýna Bush
Kínverjar segja Íransskýrslu vekja spurningar
"Mikill sigur fyrir Írana"
Bush hvetur Írana til að gera hreint fyrir sínum dyrum

Dæmi af visir.is:
Íranir hættu við kjarnorkuvopnaáætlun sína 2003
Íranar fagna nýrri kjarnorkuvopnaskýrslu Bandaríkjamanna
Íran er, var og verður hættulegt
Engin áform í Íran um kjarnorkuvopn

Er það hlutverk fréttamanna að skrúfa frá krönum af og til og hella yfir okkur yfirlýsingum hinna og þessarra? Er það nógu gott bara ef þess hlutleysis er gætt að skrúfa frá öllum þeim krönum sem lekur úr?

Er það ekki hlutverk fréttamanna að draga saman þær upplýsingar sem fyrir liggja og upplýsa lesendur um meginatriði, benda á mótsagnir, rökleysur og rangfærslur?

Á vefmiðli er líka oftast mjög einfalt að vísa á frekari heimildir. Það er gerð krafa til þess í heimildaritgerðum að þar sé vísað til heimilda. Veffréttamenn geta einfaldlega gert það með tengingu við hlekk á frumheimildir og ítarefni.

Bush hvetur Írana til að gera hreint fyrir sínum dyrum

CIA á Skaganum

Löggan hringir í þig á eftir, ekki hafa áhyggjur! 

Hvað hugsar mamma sem sér svona miða á eldhúsborðinu?  

16 ára íslenskur strákur hringdi í símanúmer Bush í Hvíta húsinu og uppskar heimsókn frá löggunni.

Bróðir hans bloggar um þetta. 

Svona verða menn milljónamæringar

Villtu verða milljónamæringur? Þá skaltu fyrst gerast billjónamæringur og kaupa svo flugfélag!

Stal þessum frasa af bloggi Jóns Garðars Hreiðarssonar á eyjan.is, en þar birtist hann á kommenti og er eignaður múltímillanum Charles Branson. Annars, er þetta ekki frekar haft eftir Richard Branson? Sá síðarnefndi ætti allavega að geta talað af eigin reynslu.

Svo er alveg frábær mynd í Viðskiptablaðinu í dag, af 10 litlum millastrákum!

Mikil verðlækkun í Kauphöll