Tíðkast að senda svona til barnaverndarnefndar?

Af hverju er mál þessa bílstjóra sent barnaverndaryfirvöldum?

Tíðkast það almennt að senda hraðakstursbrot til barnaverndaryfirvalda ef barn er með í bílnum?

Hvað þarf barn að vera ungt til að tilkynnt sé til barnaverndar? 

Hvað þarf maður að vera mikið yfir löglegum hámarkshraða?

Skiptir það máli hér að barnið var í framsæti? 

Eða skiptir það bara máli hvort ökumaður sendir fokkmerki framan í myndavélina?

Er þetta ný stefnumörkun hjá lögreglunni?

Ef svo er hvenær var hún tekin, hver tók hana og gildir hún um land allt? 

Ökufantur gaf sig fram

Athugasemdir

[Sigurjón, 6.12.2007 kl. 09:36]

Góðar spurningar sem ég held að lögreglan ætti að svara.

[Glanni (IP-tala skráð) 6.12.2007 kl. 09:39]

Múgæsingur heitir þetta á Íslensku.

[Ben (IP-tala skráð) 6.12.2007 kl. 09:56]

já, allir að róa sig , mér finnst þetta pínu fyndið, jaðrar við að vera saklaust.

[Sigurður Viktor Úlfarsson, 6.12.2007 kl. 10:57]

Þarna er ökumaður a) búinn að birgja fyrir númerplötuna á bílnum b) gefur myndavélinni fokkmerki c) er 60% yfir löglegum hraða og d) með barn með sér í framsætinu á bílnum.  Þetta telst því vera mjög einbeittur brotavilji svo ekki sé meira sagt.

Maður sem vísvitandi birgir númerplötuna á bílnum sínum auk þess að gera allt hitt sem ég nefndi hér að ofan er klárlega ekki að lifa lífinu eftir sömu lögmálum og flestir aðrir.

Samkvæmt lögum ber hverjum þeim sem verður þess á einhvern hátt áskynja að barn (yngra en 18 ára) geti mögulega verið að alast upp við óviðunandi aðstæður að láta barnaverndarnefnd vita.  Barnið á alltaf að njóta vafans.  Síðan er það barnaverndarnefnd sem rannsakar málið og kemst vonandi að því að allt sé með felldu, gaurinn hafi bara átt slæman dag.  Ég endurtek, barnið á ALLTAF að njóta vafans.

[Sigurjón, 6.12.2007 kl. 11:51]

Ég afrita og lími eins og þú Sigurður:

Sigurður Viktor: Atriði c) hjá þér er kolrangt!  Skv. fréttum keyrði maðurinn á 83 þar sem hámarkshraði er 60.  Það eru nákvæmlega 38 og 1/3 prósentum yfir hámarkshraða.  (Auk þess er þetta ekki mjög mikið yfir hraðanum og þessi prósentureikningur er til þess fallinn að gera meira úr honum en þörf er á.)

[Sigurður Helgi Magnússon (IP-tala skráð) 6.12.2007 kl. 12:28]

Í þessu máli er algjört aukaatriði hversu mikið yfir löglegum hraða hann var. Hann sýndi einbeittan brotavilja. Hvað er hann að kenna barninu.

[Emma Vilhjálmsdóttir, 6.12.2007 kl. 12:59]

Það væri eitthvað mikið að í þjóðfélaginu ef þessi maður yrði ekki kærður til barnaverndar.  Foreldrar eiga að vera fyrirmyndir sinna barna, en í þessu tilfelli er maðurinn að brjóta viljandi af sér.  Barnið hefði getað orðið fyrri miklum skaða ef maðurinn hefði lent í árekstri.  Ég styð það að hann verði kærður. 

[Soffía Sigurðardóttir, 6.12.2007 kl. 20:41]

Takk fyrir innlitið.

Ég ætla að fá svör við þessum spurningum. 

[malakauskas (IP-tala skráð) 7.12.2007 kl. 22:28]

Löggan er svekkt yfir dissinu og leita því allra leiða til að hefna sín eða "throw the book at him" eins og það heitir fyrir vestan.  Enn eitt dæmið um það hve menn eru hófstilltir og málefnanlegir á þeim bænum.