Kynlífsáhugi á handbolti.is

Hvaða hálfviti er með handbolti.is?

Á síðunni eru tvö viðtöl við ungt handboltafólk, þar sem spyrillinn er með kynlíf á heilanum!

Annað ber yfirskrfitina "Ræðir um ástarlíf sitt" og er vídeóklipp þar sem hann spyr stúlku sem er að koma heim úr keppnisferðalagi erlendis frá. Hún segir spurningar hans óviðeigandi, en hann lætur sér ekki segjast.

Hitt viðtalið er skriflegt og ber yfirskriftina "Kynlíf er refsing" og þar pumpar hann ungan pilt um kynlíf hans og bætir þar sjálfur inn þeirri skýringu á refsingu að átt sé við BDSM.

Mér finnst þetta unga íþróttafólk eiga skilið almennilegt viðtal um íþróttir, en ekki svona fíflagang!
 

 

Athugasemdir

[Fransman (IP-tala skráð) 12.12.2007 kl. 06:44]

Já, en, AF HVERJU?  Það vantar algerlega í færsluna..

"Hálfviti" ?  er það orð sem þér þykir viðeigandi í því sem þú skrifar. 

[Soffía Sigurðardóttir, 12.12.2007 kl. 11:29]

Hálfviti er stundum viðeigandi orð og mér finnst það um þá framkomu sem þessum viðmælendum var sýnd. Mér duttu líka önnur orð í hug, sem mér fannst ekki viðeigandi að nota.

Það eru fleiri viðtöl í þessum dúr á síðunni, hann byrjar að ræða við fólk um handbolta og fer svo allt í einu að spyrja fólk um kynlíf þess. Flestir hlæja fyrst og reyna að leiða þessar spurningar hjá sér eða svara í hálfkæringi, en mörgum finnst þetta greinilega mjög vandræðalegt.