Leyf mér aðeins að útskýra

Hvað er líkt með viðbrögðum Ísraela og Íslendinga við gagnrýni erlendis frá? Jú, þau halda að þau geti leiðrétt misskilning umheimsins með útskýringum sínum.

Hvernig brugðust íslenskir ráðamenn ríkis og fjármálafyrirtækja við ábendingum erlendis frá um að fjámálalíf landsins væri í stórhættu? Sendu talsmenn og yfirlýsingar til að leiðrétta misskilninginn! Hvernig bregðast ísraelskir ráðamenn við ábendingum erlendis frá um að framkoma þeirra við Palestínumenn sé röng og jafnvel stríðsglæpir? Jú, þeir senda talsmenn og yfirlýsingar til að leiðrétta misskilninginn!

Annars legg ég til að menntamálaráðherra okkar taki á móti hinum ísraelska kollega sínum. Hún gæti meira að segja boið honum upp á endurmenntunarnámskeið, þar sem hún er sjálf nýbúin að fara sjálf á eitt slíkt í afleiðingum hroka og afneitunar. Kannski að íslenski ráðherrann gæti frætt þann ísraelska um afleiðingar þess að hlusta ekki.

Óhæfuverk verða ekkert betri þótt þau séu útskýrð. Þau verður að stöðva og það strax. Þá og þá fyrst, er hægt að setjast niður til að ræða málin og útskýra. 

Heimsókn Ísraela til Íslands afþökkuð

Athugasemdir

[Sóldís Fjóla Karlsdóttir, 17.1.2009 kl. 12:48]

Óhæfuverk verða ekkert betri þótt þau séu útskýrð. Þessu er ég hjartanlega sammála.

Og ég er líka sammála þessu með Endurmenntunarnámskeiðið......bæði íslendingar og ísraelar hefðu gott af að endurmennta sig í mannlegum samskiptum....og ekki síður í hroka og afneitun.