Spegilmynd

Af hverju er þessi hneykslan á myndinni af hálfbera karlmanninum við hliðina á virðulega klæddri konu í rútu?

Er það af því að einhver sér fyrir sér spegilmyndina, sem við eru svo vön að sjá, af virðulega klædda karlinum og léttklæddu stúlkunni?

Mér finnst það geta verið skemmtilega ögrandi að sýna okkur spegilmynd af staðalímyndum.

Annars sá ég aðra mynd, hreyfimynd, af léttklæddum pilti og kappklæddri konu, á vef hestafrétta. Og ég sem var einmitt að skoða nærfataúrvalið í búð nýlega og leita mér að góðum brjóstahaldara til að nota þegar ég er á hestbaki!

„Fólk situr ekki bert í rútum“

Athugasemdir

[Guðmundur Auðunsson, 22.2.2008 kl. 15:53]

Ég er sammála þér Soffía, mér finnst þetta hnittin auglýsing. Hvað í ósköpunum eru menn að væla yfir þessu. Svo er "reiðbrjóstahaldarinn" þrælfindinn.

[Lára Hanna Einarsdóttir, 22.2.2008 kl. 16:39]

Þessi auglýsing hefur alveg farið fram hjá mér eins og auglýsingar yfirleitt - fyrir utan pirringinn yfir hreyfiauglýsingum á Netinu.  Getur einhver bent mér á hvar ég get séð auglýsinguna?

[Soffía Sigurðardóttir, 22.2.2008 kl. 23:53]

Auglýsingin og umfjöllun um hana er á bls 46 (af 48) í blaðinu 24 stundir í dag, föstudag 22. feb. Þú finnur blaðið á spássíunni á forsíðu mbl.is og getur lesið það á pdf.