Svona eiga sýslumenn að vera

Sýslumaðurinn okkar slær öllum hinum mótmælendunum við.

Allur sá mannfjöldi sem safnast mun saman fyrir framan Alþingishúsið í dag og öll þeirra hróp og spjöld munu ekki ná að hækka blóðþrýsting þjóðarinnar neitt í líkingu við fréttina um hinar væntanlegu handtökuskipanir sem sýslumaðurinn okkar ætlar að skrifa undir síðar í vikunni.

Í hundrað daga hafa mótmælendur hímt með kuldadropa á nefbroddinum hlustandi á gjallarhorn, þeir æstari kastað eggjum og þeir æstustu sniffað gas. Sumir hafa reynt að vekja athygli með frumlegum aðgerðum, jafnvel með táknrænum leikrænum tilburðum. En sýslumaðurinn okkar þarf enga sýndarmennsku til að koma mótmælum sínum á framfæri. Hann sendir alvöru löggur í alvöru löggubúningi til að sækja alvöru skuldara og setja þá í alvöru handjárn ef þeir verða með múður.

Iss, mótmælendur og Spaugstofan eru bara pen útblásturop fyrir kjökrið í þjóðinni. Sýslumaðurinn okkar er lúður sem heyrist í og fylgist bara með þegar stjórnmálamennirnir fara að nötra  undan blæstri hans! 

Hátt í 400 handtökuskipanir

Athugasemdir

[J.þ.A (IP-tala skráð) 20.1.2009 kl. 08:10]

Góð grein hjá þér.  Gömul frænka mín sagði alltaf þegar að það gekk alveg fram af henni;  "svona eiga nú sýslumenn að vera, með græna hatta."  ekki vei ég hvaðan þessi setning kom, en mér sem barni fannst hún alltaf skondin.

[Hansína Hafsteinsdóttir, 20.1.2009 kl. 08:54]

Hvernig væri að senda svona duglegann sýslumann í seðlabankann og taka þá sem bera ábyrgð á gjaldþroti hans, í fjárnám?

[Nýi Jón Jónsson ehf, 20.1.2009 kl. 16:04]

Var að blogga um þessa fáránlegu aðför að sárasaklausu fólki hérna Þvagleggur Stónes er örugglega vinsælasti maðurinn í Árnessýslu þótt víða væri leitað. Þetta er svívirða og til háborinnar skammar hjá yfirvöldum !